پێدانی جەژنانە بە ژینگەپارێز ئارەزوومەندانەیە

964+

توانا نەقی

شارەوانی هەولێر ئاگاداری هاوڵاتیان دەکاتەوە پێدانی جەژنانە بە کرێکارانی ژینگەپارێز، ئارەزوومەندانەیە و هیچ هاوڵاتیەک ناچار نییە هیچ بڕە پارەیەک بەناوی جەژنانە یان بە هەر ناوێکی دیکە بدات بەو ژینگەپارێزانە.

ئەمڕۆ سێشەممە، شارەوانی ئەو راگەیەندراوەی بڵاوکردووەتەوە، خۆتان ویستان جەژنانە بدەن بە ژینگەپارێزان نەشتان ویست لەسەر کەس ئەرک نییە ئەو کارە بکات چونکە هەندێک سواڵکەر فێربوون بە ناوی ئەوانەوە جەژنانە وەردەگرن..

دەشڵێت، زۆرێک لە سواڵکەران بەناوی کرێکارانی شارەوانیەوە پێش جەژنان لەناو کۆڵانەکان دەگەڕێن بۆ جەژنانە، ئەوان وەکو شارەوانی هیچ پەیوەندیەکیان پێیانەوە نییە و پێویستە هاوڵاتیان ئەگەر نیازی هاوکاری یان جەژنانەیان هەیە بە کرێکارانی شارەوانی، ئەوە بیدەن بەو کرێکارانەی کە ئامێری کۆکردنەوەی خاشاکیان لەگەڵە.

ئاماژە بەوەشکراوە، هەر ڕەفتارێکی نەشیاو لەلایەن کرێکاران و کارمەندانی کۆکردنەوەی خۆڵ و خاشاک بەرامبەر هاوڵاتیان وەک (بەزۆر وەرگرتنی پارە، دیاریکردنی بڕەکەی، دانانی نیشانە لەسەر دەرگا و حاویەی ماڵان، یان زبڵیان هەڵنەگرنەوە ئەگەر پارەیان پێ نەدان) یان هەڕ ڕەفتارێکی نەگونجاوی تر، دەتوانن پەیوەندی بەم ژمارەی( 07511624550) بەڕێوەبەرایەتی خزمەتگوزاری و ژینگەپارێزیەوە بکەن، بۆ سکاڵا و ئەنجامدانی رێکاری پێویست.

100 ژینگەپارێزی کەلار جەژنانەیان وەرگرت