نازانرێت خنکاوە یان ونبووە

ئەمڕۆ سێ رۆژە گەڕان بەدوای چارەنوسی مێردمنداڵەکەی چۆمان بەردەوامە

964+

توانا نەقی

ماوەی سێ رۆژە مێردمنداڵێکی تەمەن 14 ساڵ لە ناوچەیەکی گەشتیاری قەزای چۆمان دیارنەماوە و تا ئێستا چارەنوسی نادیارە خنکاوە یان ونبووە.

بەرگری شارستانی سۆران بڵاویکردەوە، تا ئێستا چارەنوسی ئەو کچە 14 ساڵە دیار نییە رۆژی هەینی لە ناوچەی گەشتیاری ئینێ لە چۆمان خنکا و گەڕان بەدوایدا بەردەوامە.

دەشڵێت، تا ئێستا چارەنوسی لەنێوان ونبون و خنکان یەکلای نەبووەتەوە و تیمەکانیان هەموو هەوڵێک دەدەن لە ڕۆژانی ئایندە بیدۆزنەوە.

ئاماژەی بەوەشکردووە، داوا لە هاوڵاتیان و گەشتیاران دەکەین لەکاتی گەشت و سەیران لە قەراغ روبارەکان ئاگاداری منداڵەکانیان بن و دوربکەونە لە مەلەوانی کردن بۆ سەلامەتی خۆیان و خانەوادەکەیانیان.