سیناریۆ بووە
لە هەولێر پێنج کەس لەسەر رفاندنی هاوڵاتییەک دەستگیر کران
964+
ژووری هەواڵ
لە هەولێر پێنج کەس بە تۆمەتی رفاندنی هاوڵاتییەک دەستگیر کران، پۆلیس دەڵێت، رفاندنەکە سیناریۆ بووە و بە ئامانجی وەرگرتنی مافی پەنابەرێتی ئەنجامدراوە.
ئەمڕۆ پێنجشەممە 6.6.2024، پۆلیسی هەولێر رایگەیاند، لە گەڕەکی باداوە ئاگادار کراونەتەوە لە رووداوێکی رفاندن، دوای بەدواداچوون ناسنامەی تۆمەتبارەکان ئاشکرا بووە و دەستگیر کراون.
تۆمەتبارەکان پێکهاتوون لە دوو برا، خاڵ، خوارزا و ئامۆزایەک.
بە گوێرەی راگەیەندراوێکی پۆلیسی هەولێرە، “ئامانجیان لەم کردەوەیە بۆ ئەوە بووە یەکێک لە برای تۆمەتبارەکان بەناوی (م، أ ،أ) کە ئێستا لە وڵاتێکی ئەوروپایە ئەو سینارێۆی رفاندنە وەک کەیسێکی سیاسی لەو وڵاتە پێشکەش بکات و مافی پەنابەری پێ وەربگرێت”.
