نەخۆشخانەى فێرکارى شەهیدانى قەڵادزێ... وێنە: پەڕەى فەرمى نەخۆشخانەکە
قەڵادزێ
لە رووداوێکى هاتوچۆدا سەرنشینێکى ماتۆڕ گیانى لەدەست دا
964+
محەمەد عەلی ــ قەڵادزێ
لە قەڵادزێ رووداوێکى هاتوچۆ لە نێوان ئۆپڵێک و ماتۆڕسکیلێک، گیان لەدەستدانى کەسێک و برینداربوونى کەسێکى دیکەى لێکەوتەوە.
رووداوەکە ئیوارەى ئەمڕۆ یەکشەممە، لە شەقامی سەرنێڵ بۆ ناوشار روویداوە.
ئیدریس عومەر، ئێشکگرى ئیداری نەخۆشخانەی شەهیدانی قەڵادزێ بە 964ـی وت،” ماتۆڕەکە دوو کەسی لەسەر بووە و لێخوڕەکەى تەنیا قاچی شکاوە، بەڵام ئەو سەرنشینەى لەگەڵى بووە گیانى لەدەستداوە.
وەک باسى دەکات، بە گەیاندنیان بە نەخۆشخانە، سەرنشینەکە گیانى لە دەستدابوو، کە مێردمنداڵێکى تەمەن 16 ساڵە و لێخوڕى ماتۆڕەکەش قاچى شکاوە و تەندروستى جێگیرە.
پێداچوونەوە: وریا فەتاح
