نزیکەی 11 تۆن کاڵەک و گەنمەشامی خراپبوو دەستیبەسەردا گیرا

ژووری هەواڵ

لە مەرزی تەوێڵە – شوشمێ دەستگیرا بەسەر نزیکەی 11 تۆن کاڵەک و گەنمەشامی، کە دوای پشکنین دەرکەوتووە شیاوی خواردن نییە.

ئەمڕۆ دووشەممە 27.5.2024، کەیوان مەنوجەر فەتاح، لێپرسراوی هۆبەی کەرەنتینەی مەرزی شوشمێ بە 964ـی راگەیاند، دەستیانگرتووە بەسەر هەشت تۆن و 500 کیلۆ کاڵەک و دوو تۆن و 340 کیلۆ گەنمەشامیدا کە لە ئێرانەوە هاوردەکراون و شیاو نەبوون بۆ خواردن.

لەدوای ئەوەی کە دەرکەوتووە کاڵەکەک و گەنمەشامییەکە خراپبوون، بڕیار دراوە بە گەڕاندنەوەیان بۆ وڵاتی ئێران.

بەگوێرەی رێنماییەکان، ماوەی دوو هەفتە دیاریدەکرێت بۆ گەڕاندنەوەی هەر خواردن و کەلوپەلێکی خراپبو بۆ وڵاتی ئێران، ئەگەرنا بڕیاری لەنێوبردنی دەدرێت.