گەیشتنى حاحیانى عێراق بە وڵاتى سعودیە... وێنە: ئاژانسى دەنگوباسى عێراق
لە ئاسمان و زەوییەوە
نزیکەى 10 هەزار حاجى عێراقى گەیشتوونەتە سعودیە
964+
وریا فەتاج
لە هەفتەى یەکەمى گەشتى حاجیانى عێراقى بۆ سعودیە، تائیستا 9 هەزار و 384 حاجى گەیشتوونەتە سعودیە کە زۆرینەیان لە رێگەى گەشتى ئاسمانییەوە بووە.
ئەمڕۆ هەینی، نوێنەرایەتی حەجی عێراق ئاماری هەفتەی یەکەمی ئەو حاجیانەى راگەیاند کە گەیشتوونەتە سعودیە، بەپێى ئامارەکە بێت، 9 هەزار و 384 لە رێگەی دەروازە ئاسمانی و وشکانییەکانەوە گەیشتوونەتە سعودیە.
لەو ژمایە 7 هەزار و 34 کەس لە فرۆکەخانەکانەوە گەشتیان کردووە و 2 هەزار و 350 حاجى دیکەش لە دەروازەى سنورى عەر عەرەوە گەیشتوونەتە سعودیە.
بەپێى نوێنەرایەتى حەجى عێراقى بێت، 7 هەزار و 190 حاجى گەیشتوونەتە مەدینە و 2 هەزار و 194 حاجى دیکەش لە مەککەن.
بڕیاریشە 27.5.2024 یەکەم کاروانى حاجیانى هەرێم، لە فڕۆکەخانەى هەولێرەوە بگاتە سعودیە.
