ژێر پردەكە
لە سلێمانى دەستبەسەر سەگ و پشیلەدا دەگیرێت
964+
ئەحمەد محەمەد _ سلێمانی
بە هاوکارى پۆلیس و بە بڕیارى داواکارى گشتى، رێكخراوی هانای ئاژەڵان هەڵمەتێكی كۆكردنەوەو دەستبەسەرداگرتنی پشیلەو سەگی زینە و ئاژەڵی كێوی دەستپێكردوەو سەرۆكی رێكخراوەكەش دەڵێت، رۆژانی دواتریش بەردەوام دەبین.
شادی عەلی، سەرۆكی رێكخراوی هانای ئاژەڵان قسەی بۆ 964 كردوەو دەڵێت: هەڵمەتەكە بۆ ئەوەیە كۆتایی بەو مامەڵە نادروستە بهێنین كە لەژێر پردەكەی سلێمانی بەئاژەڵی كێوی و ماڵیەوە دەكرێت.
هەڵمەتى ئەمجارەى رێکخراوەکە جیاوازە، سەرنجیان تەنیا لەسەر دەستبەسەرداگرتنى سەگ و پشیلەى زینەیە، چونکە وەک سەرۆکى رێکخراوەکە دەڵێت، زۆرجار ئەو ئاژەڵانە خاوەنیان هەیە و لەو بازاڕە دەفرۆشرێنەوە.
پێداچوونەوە: وریا فەتاح