قایمقامی قەزای شەقڵاوە بۆ 964:
رێگای مامەجەلکە نۆژەن دەکرێتەوە
+964
ئاکام غەفور – خەلیفان
گردبوونەوەی بارهەڵگرەکان و رێگەنەدانیان بە هاتوچۆ بە تونێلی پیرمام و رێگای مامەجەلکە و رێگای هیران، ئاستەنگی هاتوچۆی دروست کردووە، قایمقامی شەقڵاوەش دەڵێت، رێگاکە نۆژەن دەکەنەوە و مەبەستیان لە داخستنی رێگاکە سەلامەتی گیانی هاوڵاتیانە.
کاروان کەریم خان قایمقامی قەزای شەقڵاوە سەبارەت بە رێگای مامەجەلکە – شەقڵاوە، بە 964ـی وت، بڕیاربوو لەم هەفتەیە دەست بە نۆژەنکردنەوەی رێگاکە بکرێت، بەڵام بەهۆی نالەباری کەشوهەوا کارەکان وەستێندران.
وتیشی، قەدەغەکردنی هاتوچۆی بارهەڵگرەکان چەند هۆکارێکی لەدواوەیە، گرنگترینیان پاراستنی سەلامەتی و ئارامی هاوڵاتیانی ناوشارە.
بەرەبەیانی ئەمڕۆ چوارشەممە، ئۆتۆمبێلە بارهەڵگرەکان رێگای شەقلاوەیان داخستووە، قەرەبالغییەکی زۆر دروست بووە، داواکارن رێگایەکیان بۆ بکرێتەوە.
داڕشتنەوە: میدیا گۆران