964+
خاوەنی دوو منداڵە
بەهۆی هەورە بروسکە پێشمەرگەیەک گیانی بەخشی
964+
کاروان ساڵحی – کەرکوک
ئێوارەی ئەمڕۆ بەهۆی هەورە بروسکەوە پێشمەرگەیەک لە میحوەری پردێ گیانی بەخشی و ئامۆزاکەی هەواڵەکەی بۆ 964 پشتڕاستکردووە.
بەیار ئیبراهیم ئامۆزای ئەو پێشمەرگەیە بۆ 964 قسەیکردووە دەڵێت، رووداوەکە ئێوارەی ئەمڕۆ بووە، ئامۆزاکەم ناوی دەرباز یوسفە و بەهۆی هەورە بروسکەوە گیانی بەخشیووە.
ئەوەشی وت، ئامۆزاکەم خێزاندارە و خاوەنی دوو منداڵە و خێزانەکەی دوو گیانە.
بەگوێرەی زانیارییەکان تەرمی ئەو پێشمەرگەیە رەوانەی پزیشکی دادی هەولێر کراوە.
کاتژمێر 9:28 ئەم هەواڵە نوێکراوەتەوە
وەزارەتی پێشمەرگە لەراگەیەنراوێکدا هەواڵی گیان بەخشینی ئەو پێشمەرگەیەی بە رووداوی هەورە بروسکە بڵاوکردەوە و سەرەخۆشیان بۆ کەسوکارەکەی هەیە.
بەپێی راگەیەنراوی وەزارەت، ئەو پێشمەرگەیە لە فەوجی یەکی لیوای 24ی پیادە بووە.