63ـیان کوردن
مانگی رابردوو لە ئێران 134 هاوڵاتی دەستگیر کراون
964+
پێشەوا محەمەد
مانگی رابردوو لە ئێران 134 هاوڵاتی دەستگیر کراون و بەپێی ئامارەکانی رێکخراوی مافی مرۆڤی هەنگاو، 63 هاوڵاتییان کورد بوون.
رێکخراوەکە، کە چاودێریی رەوشی مافی مرۆڤی رۆژهەڵاتی کوردستان دەکات ئاشکرای کردووە، 28 هاوڵاتیی بەلووچ و 15 ژن و منداڵێک و 20 مامۆستا و خوێندکاری زانکۆ لەناو دەستگیرکراوەکاندان.
ئاماژە بەوەش دراوە، زیاترین ژمارەی هاوڵاتیانی دەستبەسەرکراو لە پارێزگای ئورمییە بووە، کە 39 حاڵەت تۆمار کراوە و لە پارێزگاکانی سیستان و بەلووچستان 28 حاڵەت، سنە ١٥ حاڵەت و تاران 14 حاڵەت بوونیان هەبووە و لە چەند شوێنێکی دیکەش حاڵەت هەبووە.
“دەستبەسەرکرانی پەیڕەوانی کەمینە ئایینی و مەزهەبییەکان لە مانگی رابردوودا بەراورد بە مانگەکانی پێشوو زیاتر بووە و لەو مانگەدا شەش چالاکی سونی مەزهەب دەستگیر کراون”، راگەیەندراوەکەی هەنگاو وادەڵێت.
رێکخراوەکە زانیاریی زیاتری ئاشکرا کردووە و دەڵێت، هونەرمەندانیش بێبەش نەبوون لە دەستگیرکردن، “هەموو ئەو حاڵەتانە ئەوانەن ناسنامەی دەستگیرکراوەکان بۆ رێکخراوەکەمان ئاشکرا بووە”.