دیمهنێكی ئهو لۆفهیهى له‌سه‌ر رێگاى هه‌ولێر - كۆیه فراوان ده‌كرێت... وێنه: سۆشیال میدیاى ناحیه‌ى دێگه‌ڵه
چه‌ندین رووداوى هاتوچۆى لێ رووداوه
لۆفه‌یه‌كی مه‌ترسیدار له رێگاى نێوان هه‌ولێر و كۆیه فراوان ده‌كرێت
فه‌رهاد حه‌سه‌ن
ئاوه‌دانكردنه‌وه‌ى كۆیه خه‌ریكى فراوانكردنى لۆفه‌یه‌كى مه‌ترسیداره له‌سه‌ر رێگاى سه‌ره‌كى هه‌ولێر كۆیه، كه تا ئێستا چه‌ندین رووداوى هاتوچۆ و گیانله‌ده‌ستدانى هاوڵاتیانى به‌هۆى ئه‌م رووداوانه‌وه لێ كه‌وتووه‌ته‌وه.
لۆفه‌كه ده‌كه‌وێته نزیك گوندى پیره‌ر له سنوورى ناحیه‌ى دێگه‌ڵه و له‌سه‌ر ئه‌ركى به‌ڕێوه‌به‌رایه‌تى چاككردنى رێگاوبانى كۆیه فراوان ده‌كرێت.
سۆران ئه‌كره‌م حه‌وێزى، به‌ڕێوه‌به‌رى ناحیه‌ى دێگه‌ڵه به 964ـى وت، ده‌ستكراوه به بڕین و فراوانكردنى لۆفه‌كه به درێژایی 300 مه‌تر و كاركردنیش تێدا به‌رده‌وامه.
وتیشی “ئه‌وه‌ى ماوه رێكخستنى شۆڵده‌ره‌كه‌یه‌تى بۆ ئه‌وه‌ى رێگاكه له‌و لۆفه‌یه فراوان بكرێت.
ئاماژه‌ى به‌وه‌شكرد، كه فراوانكردنى لۆفه‌كه بە مەبەستی کەمکردنەوەی رووداوەکانی هاتوچۆیه له‌سه‌ر ئه‌م رێگا سه‌ره‌كییه.
