بەرهەمەکەیان بڵاودەکەنەوە
نەڤید زەردی و ژینێ ئەتروشی سوپرایزەکەیان راگەیاند
964+
پەری ساڵح
نەڤید زەردی و ژینێ ئەتروشی لە ئەمریکاوە سوپرایزیان راگەیاند و بەمزوانە دوێتێک بەناوی “وەر وەر” بە زاراوەی کرمانجی بڵاودەکەنەوە.
دوای تەواو بوونی ئاهەنگەکەیان لە ئەمریکا و پێشکەشکردنی گۆرانی “وەر وەر” بۆ یەکەمین جار لەسەر ستەیج و دەنگدانەوەی لەناو سۆشیال میدیا، نەڤید زەردی و ژینێ ئەتروشی بەفەرمی رایانگەیاند بەمزوانە ئەم بەرهەمە بڵاودەکەنەوە کە ئاوازەکەی ئاریۆس دایناوە، ستایلی شادە و کرمانجیە.
نەڤید زەردی دوای ساڵانێک بێدەنگی لە سەرەتای ئەمساڵەوە، دەستی کردووەتەوە بە بڵاوکردنەوەی بەرهەم و کلیپەکانی جگە لە سازکردنی چەندین ئاهەنگ و کۆنسێرت لە شارەکانی ئەوروپا و وەک خۆی دەڵێت، ئەمساڵ زۆرترین بەرهەم بڵاودەکاتەوە.
لەماوەی رابردوودا ژینێ ئەتروشی تووشی شێرپەنجە بوو، بەڵام پاش وەرگرتنی چارەسەری کیمیایی توانی نەخۆشیەکە تێپەرێنێت و بگەڕێتەوە ناو کاری هونەری.
نەڤید ئەمجارەیان دەڕوات و هەڵوێستیش بێ وەفایەک ئاگادار دەکاتەوە
