٣٢ کەس تەنیا لە ٢٣ رۆژدا

رۆژ نییە زیاتر لەکەسێك بەرووداوی هاتوچۆ گیان لەدەست نەدات

میدیازان – کوردستان ئەحمەد – هەولێر

مانگی تشرینی یەکەم یەکێک دەبێت لەمانگە پڕ لەقوربانییەکانی هاتوچۆ، هێشتا مانگ زیاتر لەهەفتەیەکی ماوە بەڵام ئەوانەی بەرووداوی هاتوچۆ گیانیان لەدەستداوە گەیشتوونەتە ٣٢ کەس.

ئەو داتایانەی میدیازان بینیونی دەریدەخەن لە یەک هەتا ٢٣ی تشرینی یەکەم جگە لەو ژمارەیە، ٤٥ کەسیش برینداربوون، زۆربەی رووداوەکانیش لە رۆژانی هەینی و شەممە روویانداوە.

فازڵ حاجی وتەبێژی پۆلیسی هاتووچۆی هەولێر بە میدیازانی راگەیاند: برینی بەشێكی زۆر لەبریندارەكان سەختە.

ئامارەکان نیشانی دەدەن ئەم ماوەیە زۆرترین گیان لەدەستدان لەهەولێر بووە (١٢) کەس پارێزگای هۆكیش لەپلەی دووەمدایە

(١١) کەس، ئینجا  پارێزگای سلێمانی (٨) کەس.

“زۆرترین گیانلەدەستدان لە پارێزگای هەولێر بووە “

بەقسەی فازڵ حاجی پابەند نەبوونی شۆفێر بەرێنماییەكان و خراپی رێگەوبانەكان و خراپی كوالیتی ئۆتۆمیل لەهۆكارە سەرەکییەکانی رووداوەكانی هاتووچۆن، دەشڵێت ‘زۆربەی هەرە زۆری رووداوەكان لەرۆژی پشوەكاندایە كە خەڵكی دەچنە دەرەوەی شارەكان، بەشێكی هاوڵاتیانیش ماددە كحولییەكان بەكار دەهێنن.

“خراپی كوالیتی ئۆتۆمبێلەكان هۆكارێكی رووداوەكانی هاتووچۆیە”

بەتەنیا لەدوان لەرووداوە هەرە دیارەکانی ئەم مانگە ١٦ کەس گیانیان لەدەستدا، رووداوێکیان رۆژی یەکی مانگ بوو لەسەر رێگای دەربەندیخان سلێمانی پێنج پێشمەرگە گیانیان لەدەستدا، رووداوی دووەم رۆژی ٧ی مانگ روویدا کە تیایدا شەش وەندامی یەک خێزان گیانیان لەدەستدا، لەرووداوی سێیەمیشدا لەسەر شەقامی شەست مەتری هەولێر  شەوی ١٣ی مانگ ٥ کەس گیانیان لەدەستدا کە چواریان ئەندامی یەک خێزان