بەرهەمی هەڵوژەی هەڵەبجە - وێنە: 964
کەی دەخرێتە بازاڕەوە؟
هەڵوژە ترشەکەی هەڵەبجە پێگەیشت
964+
عومەر فەتاح ــ هەڵەبجە
هەڵوژە ترشەکەی هەڵەبجە پێگەیشتووە، بە وتەی جوتیارێکی سنوورەکە دوای جەژن بەرهەمەکەی دەخەنە بازاڕەوە.
ئەو هەڵوژەی ئێستا لە بازاڕەکانی هەرێمدا هەیە بەرهەمی دەرەوەیە و لە کاتی هاتنیدا نرخی کیلۆیەکی لە 200 هەزار دینار نزیک دەبێتەوە.
فەلاح ئەحمەد، جوتیارێکی نموونەییە و لە گوندی کوڵکنی نزیک هەڵەبجەیە و خاوەنی باخێکی پڕ بەروبوومە و یەکێکیان هەڵوژەیە، بە 964ـی وت، “بەشێک لە بەرهەمە کشتوکاڵییەکانی باخەکانی ئەم ناوچەیە پێگەیشتووە و لەناویاندا هەڵوژە ترشە ئێستا پێگەیشتووە”.
وتیشی، “دوای پشووەکانی جەژن و کردنەوەی عەلوەکان خاوەن باخەکان دەستدەکەن بە لێکردنەوەی و دەخرێتە بازاڕەوە، بەڵام بەهۆی ئەوەی نۆبەرەیە و یەکەم بەرهەمە نرخەکەی نازانین تاکو نەبرێتە عەلوە”.
عەلوەکان لە هەرێمی کوردستان تەنیا یەکەم رۆژی جەژن دادەخرێن و رۆژانی تری جەژن دەکرێنەوە.
پێداچوونەوە: پێشەوا محەمەد