بەشێک لەو ماسیانەی کە لەلایەن راوچییەکان راوکراون. فۆتۆ: پۆلیسی دارستان و ژینگەی راپەڕین
ماسیان راوکردووە
تەنیا ئەمڕۆ لە راپەڕین هەشت راوچی دەستگیر کراون
964+
ژووری هەواڵ
تەنها ئەمڕۆ لە سنوری ئیدارەی راپەڕین هەشت کەس لەسەر راوکردنی ماسی دەستگیر کراون.
ئەمڕۆ پێنجشەممە 4.4.2024، شۆڕش کاکە، بەڕێوەبەری پۆلیسی دارستان و ژینگەی راپەڕین هەواڵەکەی بۆ 964 و وتی، ئەو هەشت کەسە لە ماوەی 12 کاتژمێردا دەستگیر کراون.
چوار لەو راوچیانە لە سنوری چوارقوڕنە دەستگیر کراون و دوو ماتۆڕسکیلیان پێگیراوە.
چوار راوچییەکەی دیکە لە ناوچەی گردە مارە دەستگیر کراون، ئەوانیش بە دوو ماتۆڕسکیل چوونەتە ناوچەکە بۆ راوەماسی.
لەلایەن وەزارەتی کشتوکاڵی هەرێمەوە بڕیاردراوە بەبۆنەی گەرادانانی ماسییەوە لە 5.3.2024 تا ناوەڕاستی مانگی حوزەیران قەدەغەی راوەماسی دەبێت.
