هەردی سەڵاح
“من ناگەڕێمەوە و نیازی گۆرانی وتنم نییە”
964+
پەری ساڵح
هونەرمەند هەردی سەڵاح دوای زیاتر لە 10 ساڵ دابڕان لە کاری هونەری، دوو گۆرانیی نوێ بۆ نیشتمان و هەولێر ئامادە دەکات و دەشڵێت، من نیازی گەڕانەوەم بۆ ناو هونەر نییە.
پاش ئەوەی شەوی رابردوو هەردی سەڵاح رایگەیاند نیازی بڵاوکردنەوەی دوو گۆرانی نوێی هەیە بۆ نیشتمان و هەولێر، هەمووان بە پەرۆشەوە هەواڵی گەڕانەوەیان بۆ ناو هونەر و گۆرانی بڵاوکردەوە، بەڵام لە روونکردنەوەیەکدا لە هەژماری خۆیەوە وتی، “من تەنیا تێکست و ئاوازم ئامادەکردووە و کارەکە بە کۆرس دەگوترێت، بڕیاری وتن و نە وتنی گۆرانی بەدەستی خۆمە و خۆشم وازمهێناوە و لە بەرنامەم نییە بگەڕێمەوە.
هەردی سەڵاح کۆتا بەرهەمی لە ساڵی 2014 بڵاوکردەوە، دواین ئەلبومیشی ساڵی 2007 بەناوی من و تۆ بڵاوکردەوە.
