بەڕۆژ بەڕۆژون
لە رەمەزاندا کرێکارانى تەختەبەست لە شەودا کاردەکەن
964+
ئەحمەد شەمزین- هەولێر
بەهۆى ئەوەى لە رەمەزاندا بەڕۆژوو دەبن، کرێکارانى تەختەبەست ئیشەکانیان خستووەتە شەوان و لە رۆژدا دەخەون.
بە وتەى وەستا بەختیار کە بەم شەوە لە گەڕەکى بەختیارى شارى هەولێر لەگەڵ کرێکارەکانى سەرقاڵى کارکردنن بۆ 964 قسەى کردووە و دەڵێت، چەند ساڵێکە لەسەر داواى کرێکارەکانى لە رەمەزاندا بە رۆژ کار ناکەین و شەوان لە دواى شکاندنى رۆژووەکانیان و نانخواردنى ئێوارە، دەچنە سەر ئیشەکانیان و تا نزیکى پارشێو کار دەکەن.
ئەو باسى لەوەشکرد، ئەمساڵ فێنک بوو سەرەتا ویستمان بەڕۆژ کار بکەین، بەڵام بەهۆى ئەوەى کرێکارەکان بەڕۆژوون نەیانتوانى کار بکەن و کارەکانمان خستە شەوان.
کرێکارەکان بە سێ شەو کارکردن پارەى دوو رۆژ وەردەگرن و رۆژووەکانیشیان دەگرن.
داڕشتنەوە: وریا فەتاح
