بەڕێوەبەرایەتی گشتی بەرگری شارستانی هەرێم دامەزرا

توانا نەقی

بۆ یەکەمجار بەڕێوەبەرایەتی بەرگری شارستانی هەرێم لە کوردستان کە سەر بە وەزارەتی ناوخۆیە کرایەوە و هاتە کایەوە.

ئەمڕۆ چوارشەممە 27.3.2024 بەرگری شارستانی هەولێر بڵاویکرەوە، یاداشتنامەی ئاڵوگۆڕی لێکترازان لە بەڕێوەبەرایەتی گشتی پۆلیسی هەرێم ئەنجامداراوە و لیوای مافپەروەر (یادگار ئەنوەر فەرەج) وەک بەڕێوەبەری گشتی دیاریکراوە.

دەشلێت، هەر ئەمڕۆ ئەرک و رۆڵەکانی بەڕێوەبەرایەتییەکە جیاکراونەتەوە و تەواوی کارەکان بۆ سەرجەم جوگرافیای هەرێمی کوردستان بەڕێوەدەبرێت.

کاروان عەلی وتەبێژی بەرگری شارستانی هەولێر بە 964ـی وت، پار ساڵ بڕیارەکە دەرکراوە و ئەمڕۆ لێکترازان کرا لەگەڵ پۆلیسی هەرێم و بوون بە خاوەن بەڕێوەبەرایەتی گشتی بەرگری شارستانی هەرێم.

وتیشی، کردنەوەی ئەم بەڕێوەبەرایەتییە گشتییە سوودی زۆر دەبێت لە رووی، زیادکردنی خزمەتگوزارییەکان، زیادکردنی تیم و بنکەکان و خێرایی کارکردنی تیمەکان و چەندین سوودی دیکە.