له‌ هه‌ڵه‌بجه‌ چاره‌سه‌رى بیرێكی سه‌ردانه‌پۆشراو كرا

فه‌رهاد حه‌سه‌ن

له‌ سنوورى هه‌ڵه‌بجه هاوڵاتییه‌ك‌ مه‌ترسی بیرێكی سه‌ردانه‌پۆشراوى به‌ لایه‌نه‌ په‌یوه‌ندیداره‌كان گه‌یاند و پێیوتن ئه‌گه‌ر ئه‌و بیره‌ هه‌روا بمێنێته‌وه‌ كاره‌سات دروست ده‌كات.

هاوڵاتییه‌كه‌ وه‌ك رێبوارێك رێى كه‌وتبووه‌ نزیكى سه‌یرانگاى قلیج، دواى كه‌مێك گه‌ڕان ئه‌و بیره‌ى بینیبوو كه‌ سه‌رى دانه‌پۆشراوه‌ و بۆ ئه‌مه‌ش له ‌رێگه‌ى تۆماركردنى ڤیدیۆیێكه‌وه‌ ئه‌و كێشه‌یه‌ى به‌ لایه‌نه‌كان گه‌یاند.

بەڕێوەبەرایەتی گشتیی شارەوانییەکانی هەڵەبجە، كه‌ ئه‌و گرته‌ ڤیدیۆیه‌ ده‌بینێت به‌دواداچوون بۆ ئه‌و شوێنه‌ ده‌كات.

تیمی ژینگەو خزمەتگوزاری و کۆمپانیای بیڤان ده‌نێرێته‌ شوێنه‌كه‌ و چارەسەرى داپۆشینی سەری بیرەکەیان كرد.

شاره‌وانییه‌كان ده‌ڵێت “داپۆشینى سه‌رى بیره‌كه‌ بۆ ئه‌وه‌یه‌ تا نەبێتە هۆکاری مەترسی بۆسەر ژیانى هاوڵاتیان”.