قایمقامیەتی سلێمانی - وێنە: 964
"بۆ زیاتر کۆنتڕۆڵکردنی بازاڕە"
قایمقامیەتی سلێمانی لیژنە لەناو بازاڕ جێگیر دەکات
964+
پێشەوا محەمەد
قایمقایەتی سلێمانی بڕیاری دا لیژنە لەناوبازاڕی سلێمانی جێگیر بکات، سەرۆکی لیژنە هاوبەشەکان دەڵێت، بۆ زیاتر کۆنتڕۆڵکردنی بازاڕە.
ئەمڕۆ چوارشەممە لە قایمقامیەتی سلێمانی کۆبوونەوە کراوە و ئەو بڕیارە دراوە.
گۆران قادر، سەرۆکی لیژنە هاوبەشەکانی قایمقامیەتی سلێمانی بۆ 964ـی روونکردەوە، ئامانج لە جێگیرکردنی لیژنە بە بەردەوامی لەناو بازاڕ بۆ ئەوەیە زیاتر کۆنتڕۆڵی دوکان و شوێنە بازرگانییەکان بکرێت.
وتیشی، “لیژنەکان ئەگەر بەردەست بن زووتر و باشتر چاویان دەچێتە سەر هەر سەرپێچییەک ئەگەر رووبدات، هەروەها لە لایەن هاوڵاتیانیشەوە لە هەر خۆراکێکی بەسەرچوو و خراپ لە هەر شوێنێک بیبینن ئاگادار دەکرێنەوە”.
قایمقامیەتەکە خاوەنی 46 لیژنەیە و چاودێریی بازاڕی پێدەکات.
گۆران قادر وتیشی، “ئەمساڵ لە مانگەکانی یەک و دوو سەرپێچییەکان نەگەیشتوونەتە 10%، پەیامی ئێمەش رێکخستنەوە و جێبەجێکردنی رێنماییەکانە نەک سزادان و غەرامەکردنی خاوەن کار و بازاڕەکان”.