دیمەنێک لە یارییەکەی هەولێر و یانە تورکییەکە..فۆتۆ: پەیجی یانەی هەولێر
هەولێر لهگهڵ یانهیهكی پله چواری توركیا یهكسان بوو
+964
ئەرسەلان عەبدوڵڵا – هەولێر
یانهی ههولێر له كهمپه مهشقییهكهی له توركیا، یارییهكی دۆستانهی بهرامبهر یانهیهكی توركیا كرد و یهكسان بوو.
لە یەکەم یاری دۆستانە و ئامادەکاری لهو كهمپه مهشقییهی له شاری ئهنتالیای توركیا ئهنجامی داوه، تیپی تۆپی پێی یانهی ههولێر لەگهڵ یانهی ئێگدێری تورکیا رووبهڕووبوونهوه و له ئهنجامیشدا به 1-1 گۆڵ یهكسانبوون.
گۆڵهكهی یانهی ههولێر سهفین مهنسووڕ تۆماری كرد.
ههروهها له یارییهكهدا یاریزانی نوێی یانهی ههولێر “زەید جمال ئەبو عابد”ـی پیشەگەری ئوردنی بهشداریی كرد.
به پێی زانیارییهكانی 964+ ئهو یانهیهی ههولێر یاری لهگهڵ كردووه، یانهیهكی پله چواری توركیایه.
ئیبراهیم قادر بهرپرسی راگهیاندنی یانهی ههولێر به 964+ی وت: “یانەکەمان له كهمپه مهشقییهكهیدا له ئهنتالیا رۆژانە لە دوو کاتی جیاوازی بهیانیان و ئێواران مەشق و راهێنان ئەنجام دەدات”.
وتیشی “بهرنامهمان وایه چهند یارییهكی دیكهی ئامادهكاری ئهنجام بدهین”.
یانهی ههولێر رۆژی 7ـی ئهم مانگه بهرهو توركیا بهڕێكهوت بۆ ئهنجامدانی كهمپی مهشق و یاری دۆستانه، بڕیاره كهمپهكهش 10 تا 12 رۆژ بخایهنێت.