گردبوونەوە
لە سنوری راپەڕین رێگری لە گواستنەوەی ئاژەڵ دەکرێت
964+
ژێوار خدر – راپەڕین
لەمەیدانی حاجیاوا ئاژەڵفرۆشان ناڕەزایەتییان دەربڕی لەدژی ئەوەی ڕێگەیان پێنادرێ ماڵات لە سنورەکەوە بهێنن و ببەن.
به قسهى ئاسۆ حاجی ئاژەڵفرۆشێکی ئهم مەیدانی لە بازگەکانەوە رێگرییان لێ دەکرێ نایهڵن ئاژەڵ بێنین و ببهنهوه دەرەوەی سنوری ئیدارەی راپەڕین و دهشڵێت “تا ئێستا نازانین هۆکاری رێگری کردنەکان چیه”.
ئەو ئاژەڵفرۆشە روونیشی کردەوە، راستە ئەو رێگرییە کاری نەکردووەتە سەر بەرزبوونەوەی نرخی گۆشت، بەڵام وایکردووە بازاڕ بوەستێت و کڕین و فرۆشتنی ئاژەڵ نەمێنێت.
ئاژەڵفرۆشان دەڵێن ئەگەر بێتو لایەنی پەیوەندیدار وەڵامی داواکارییەکانمان نەداتەوە و رێگرییەکان بەردەوام بن، ناچارین رێ لە تێپەڕبوونی بارهەڵگرەکان بگرین و نەهێڵین لە هیزۆپەوە تێپەڕبن.
سەعدی تەیب ئەحمەد بەڕێوەبەری ڤێتێرنەری راپەڕین، به 964ـى وت، ئەم رێگریکردنانە لەلای ئهوانەوە نەکراوە و هیچ پەیوەندییەکی بەوانهوه نییه.
وتیشی “لەماوەی رابردووە ئەوان قەدەغەی کڕین و فرۆشتنی ئاژەڵییان کردووە لەنێوان شارەکان بەهۆی بڵاوبوونەوەی پەتای تای خوێنبەربوونەوە، بهڵام ئێمه بهم رێگركردنهى ئێستا ئاگادار نین”.
پێداچوونەوە؛ فەرهاد حەسەن
