"گیا بەهارییەکان خواستی زۆریان لەسەرە"
گیا بەهارییەکان شێخەڵای هەولێریان تەنیوە
+964
شیراز عەبدوڵا ـ هەولێر
بازاڕی شێخەڵای هەولێر پڕبووە لە گیا بەهارییەکان، دەیان ژن و پیاو لە پێدەشت و لادێیەکانی دەرەوەی هەولێر لە بەیانیەکی زوو لە دڕەش، چالوکی بچووک، نۆغەران، سماقولی و مەسیف بە فەردە ( گورمزە، کەنگر، کاردی، تۆرکە، دۆمەڵان و کوزەرە، قوڕادە، ستێرک و گەزگەزۆک ) دەهێنە بازاڕەکە .
جێگر نەبیل خەڵکی گوندی چالوکی بچووکە سەر بە قەزای خەبات، ساڵانە لە وەرزی بەهار کاردی و کەنگر و تۆرکە و دومبەڵان لە دێنێتە بازاڕی شێخەڵای هەولێر.
جێگر دەڵێت، “گیا بەهارییەکان خواستی زۆریان لەسەرە و هەر رۆژێک بیهێنە بازاڕ تا ئێوارە هەمووی دەفڕۆشێت و زۆربەی کڕیارەکانیان ژن و پیاوە بەتەمەنەکانن .
دۆمەڵان لە بازاڕی شێخەڵای هەولێر یەک کیلۆی لە سەرووی 20 هەزار دینارە، بەڵام گیا بەهارییەکان نرخیان لە هەزار و 500 دینار دەستپێدەکات تا سێ هەزار و 500 دینار .
یەکێک لە کڕیارانی گیا بەهارییەکان بۆ 964 وتی، ئەو گیایانە سوودیان بۆ تەندروستی زۆرە، خواردنی دڵخوازی ئەویش کەنگرە.
پێداچوونەوە: ئەرسەلان عەبدوڵا