نەخۆشخانەی گشتی هەورامان کرایەوە

توانا نەقی

لەلایەن وەزیری تەندروستی هەرێمەوە ئەمڕۆ سێشەممە نەخۆشخانەی گشتی هەورامان لە ناحیەی بیارە کرایەوە.

وەزارەتی تەندروستی بڵاویکردەوە، نەخۆشخانەی گشتی هەورامان کرایەوە بە رووی هاوڵاتیانی هەورامان و ناحیەی بیارە کە تێچووەکەی چوار ملیار دینار بووە.

دەشڵێت، بە بڕی یەک ملیار دینار ئامێر و پێداویستی پزیشکی بۆ دابینکراوە.

نەخۆشخانەکە سەرجەم بەشەکانی فریاکەوتن و قاوشەکان و نەشتەرگەری و تاقیگە و بەشی تیشک و دەرمانخانە و خزمەتگوزاریەکان لەخۆ دەگرێت.

ناحیەی بیارە لە هەورامان سەر بە پارێزگای هەڵەبجەیە و ژمارەی دانیشتوانەکەی زیاترە لە 15 هەزار کەس.