فیلمێکی ژاپۆنی باسی خێزانێکی کورد دەکات

+964

فەهمی نەبی – هەولێر

فیلمێکی ژاپۆنی چیرۆکی راستەقینەی ژیانی خێزانێکی کورد دەگێڕێتەوە، کە لە رێگەی تورکیاوە خۆیان گەیاندووەتە ئەو وڵاتە و ژیانێکی سەخت رووبەڕوویان دەبێتەوە.

فیلمی “خاکە بچووکەکەم – My Small Land” لە جۆری درامایە و دەرهێنەری ژاپۆنی ئیما کاواواتا کاری نوسین و دەرهێنانی بۆ فیلمەکە کردووە.

چیرۆکی فیلمەکە، باس لە کچێکی کوردی تەمەن 17 ساڵ دەکات بەناوی ساریا.

ساریا دەچێتە زانکۆ و لەگەڵ کوڕێکی ژاپۆنی یەکتر دەناسن بە ناوی سۆتا و پەیوەندییەکەیان سەردەکێشێ بۆ سۆزداری تا لەپڕ هەواڵی رەتکردنەوەی مافی پەنابەری ژیانی خێزانەکە و ساریا بە تەواوی ئاڵۆز دەکات.

هەریەکە لە لینا ئارەشی و تاکاشی فوجی و سێی هیرازومی رۆڵ لە فیلمەکە دەبینن، کۆمپانیای Generation لە ساڵی 2022 بڵاویکردوەتەوە.

ئەگەرچی ئەو فیلمە ماوەی ساڵێک دەبێت بڵاوکراوەتەوە، بەڵام جگە لە چەند وێبسایتێکی تایبەت بە فیلمەکان لە هەرێمی کوردستان باسی لێوە نەکراوە.