7- پڕۆژەی قیرتاوکردنی شەقام لە سنووری شارەوانی بنەسڵاوە لەسەر رێژەی 15%ـی داهاتی شارەوانی بە گوژمەی 79 ملیۆن دینار. فۆتۆ؛ فەرمانگەی میدیا و زانیاری
داوای لە لیژنەیەکی عێراق کردووە
ئومێد خۆشناو: داوامان کردووە بودجەی پەرەپێدانی پارێزگاکان بگەڕێندرێتەوە
964+
ژووری هەواڵ
لیژنەی پەرەپێدانی هەرێم و پارێزگاکانی ئەنجوومەنی نوێنەرانی عێراق، چەند رۆژێکە لە هەرێمی کوردستانن و پێشتر سەردانی پارێزگاکانی سلێمانی و هەڵەبجەیان کردبوو، ئەمڕۆش لە پارێزگای هەولێر لەگەڵ ئومێد خۆشناو، پارێزگاری هەولێر کۆبوونەوە.
ئەمڕۆ سێشەممە 5.3.2024، لیژنەی پەرەپێدانی هەرێم و پارێزگاکان لە ئەنجومەنی نوێنەرانی عێراق و ئومێد خۆشناو، پارێزگاری هەولێر، کۆنگرەیەکی رۆژنامەوانیان سازکرد.
ئومێد خۆشناو، رایگەیاند، داوایان لە لیژنەکە کردووە بودجەی پەرەپێدانی پارێزگاکان بگەڕێندرێتەوە کە لەلایەن عێراقەوە راگیراوە.
بە گوێرەی یاسای بودجەی گشتیی عێراق، دوو تریلیۆن و 500 ملیار دینار بۆ پەرەپێدانی پارێزگاکان تەرخان دەکرێت، بەڵام ئەگەری زیادبوونی ژمارەکە هەیە.
بەپێی رێژەی 12.67% بەشی هەرێم دەگاتە 500 ملیار دینار بۆ هەر چوار پارێزگاكانی.