دیمهنی یهكێك له حاڵهتهكان كه له نهخۆشخانهكه چارهسهرى بۆ دهكرێت... وێنه: راگهیاندنى نهخۆشخانهى فریاكهوتنى رۆژئاواى ههولێر
مانگی شوبات له ههولێر
زیاتر له 3500 حاڵهتى كتوپڕ چوونهته نهخۆشخانهیهكی فریاكهوتن
فهرهاد حهسهن
نهخۆشخانهى فریاكهوتنى رۆژئاواى ههولێر له مانگى رابردوودا زیاتر له سێ ههزار و 500 حاڵهتى كتوپڕى جۆراوجۆرى بۆ چووه.
ژمارهى حاڵهتهكان بریتی بوون له 16 حاڵهت، بهڵام زۆرترینیان هەناو، زەبری دەرەكی، بەربوونەوە و شکان بووه.
بهپێی ئهو ئامارهى نهخۆشخانهى فریاكهوتنى رۆژئاواى ههولێر بۆ مانگى شوباتى 2024 بڵاویكردووهتهوه، پێشوازییان له سێ ههزار و 510 نهخۆش كردووه كه ههموویان حاڵهتى كتوپڕیان ههبووه.
حاڵهتهكانى زەبری دەرەكی 674 ، بەربوونەوە 671، شکان 633 ، هەناو 784، رووداوی هاتوچۆ (ئۆتۆمۆبیل) 185، رووداوی هاتوچۆ (ماتۆڕسکیل ) 129، میزەڕۆ 128، قوڕگ و لووت و گوێ 104، چاو 102، گەستنی سەگ 15، سكچوون و رشانەوە 46، کارەبا گرتن 15، مردوو 11، حەب خواردن (خۆكوشتن) سێ حاڵهت و سووتان چوار حاڵهت و گولـلهش یهك حاڵهت بووه.
ههر بهپێی ئهم ئاماره، له مانگى رابردوودا 352 نهشتهرگهری جۆراوجۆر لهو نهخۆشخانهیه ئهنجام دراون، كه زۆرترینیان نهشتهرگهرى حاڵهتهكانى شكان بووه كه 265 حاڵهت بووه.