دوو گەنجی کەرکوکی بە کارەبا گیانیان لەدەستدا
964+
کاروان ساڵح – کەرکوک
دوانیوەڕۆی ئەمڕۆ چوارشەممە، دوو گەنجی شاری کەرکوک کارەبا گرتوونی و بەهۆیەوە گیانیان لەدەستداوە.
دوو گەنجەکە تەمەنیان 21 و 28 ساڵە و دانیشتووی گەڕەکی راپەڕین دووی کەرکوکن.
لەوبارەیەوە، سەرچاوەیەک لە پزیشکی دادیی کەرکوک بە 964+ی وت، کاتژمێر 2:00ی دوانیوەڕۆی ئەمڕۆ تەرمی ئەو دوو گەنجەیان بەدەست گەیشتووە.
بە قسەی ئەو سەرچاوەیە دوو گەنجەکە بە کارەبا مردوون.
964+ لە زاری ناسراوێکیانەوە دەزانێت، دوو گەنجەکە ناویان (مازن و نەمر)ە، هەردووکیان دانیشتووی گوندی فارە ئەلبو عەسافن سەر بە ناحیەی ریاز لە کەرکوک، پیشەیان کرێکاریی بووە، لەوکاتەدا سەرقاڵی لەبغی دیوارێک بوون، یەکێکیان دەستی بەر وایەرێکی شۆڕەوە بوو لە عامودێک دەکەوێت و هەردوکیان دەستبەجێ گیان لەدەستدەدەن.