مانگی رابردوو 111 هاوڵاتی لە ئێران دەستگیر کراون

پێشەوا محەمەد

ئامارەکانی رێکخراوی هەنگاو ئاشکرای دەکات مانگی رابردوو لە ئێران 111 هاوڵاتی لە لایەن هێزە ئەمنییەکانی ئەو وڵاتەوە دەستگیر کراون و لەو ژمارەیە 52یان کوردن.

رێکخراوەکە کە چاودێریی رەوشی مافی مرۆڤی رۆژهەڵاتی کوردستان دەکات ئاشکرایکردووە، لەو رێژە دەستگیرکراوانە نۆ ژن و هەشت منداڵیان تێدایە.

رێکخراوەکە ئاشکرای کردووە، نۆ لە دەستگیرکراوەکان چالاکوانی ئایینی بەهایی، سوننی و شیعە بوون.

لەو مانگەدا هیچ مامۆستایەک دەستگیر نەکراون، بەڵام دوو خوێندکاری زانکۆ لەوانەن دەستبەسەر کراون.

راگەیەندراوەکەی هەنگاو ئەوەشی دەرخستووە، دەستگیرکردنی هەر 111 هاوڵاتییەکەیان یەکلایی کردووەتەوە و ناسنامەکانیان بۆ ئاشکرا بوون.

رێکخراوەکە هۆکاری دەستگیرکردنی ئەو هاوڵاتیانەی روون نەکردووەتەوە.