چوارەمین ساڵە فێستیڤاڵ دەکرێت
لە فێستیڤاڵی مەخمور بۆ یەکەمجار کورد و عەرەب بەیەکەوە بەشداریان کرد
964+
ئەحمەد شەمزین – هەولێر
لە سەیرانگەی ئاوی بن بەردی بناری قەرەچوغ، ئەمڕۆ شەممە چوارەمین فێستیڤاڵی مەخمور بەڕێوەچوو.
ئەمساڵ جیا لەساڵانی رابردوو، تیپێکی هەڵپەڕکێی عەرەب لەو ناوچەی قەراج و کەندێناوە بەشداریان کردبوو.
لە فێستیڤاڵەکە، چەندین بڕگەی جیاواز پێشکەشکران لەوانە “وتنی حەیران و بەستە، هەڵپەڕکێی کوردەواری، هەڵپەڕکێی عەرەبی، پێشانگا، یارییەکۆنەکان و خوێندنەوەی هۆنراوە”.