عەلی کەریم:
“قەیرانی دارایی هونەریشی گرتووەتەوە”
+964
دیلان محەمەد – سلێمانی
هونەرمەند و ئەکتەری ناسراو عەلی کەریم دڵگرانە لە دۆخی هونەری ئێستا و دەڵێت، سیاسەت شیعر و رۆمان و هونەر و فیلمسازی لە گەشە خستووە.
دوا کاری عەلی کەریم لە فیلمێکدا بوو بە ناوی “گوڵەکان ناگەشێنەوە”، کە دوو مانگ بەر لە ئێستا لە سینەماکاندا نمایشکرا، دەربارەی پرۆژەی و کاری نوێشی، تایبەت بە 964 وتی، “قەیرانی دارایی کاریگەریی خستووەتە سەر هونەر و لە ساڵی پارەوە بڕیار بوو بودجە بۆ درامایەکی 30 ئەڵقەیی بە ناوی (تەم) دابین بکرێت، بەڵام تا ئێستا خەرج نەکراوە”
عەلی کەریم، لەدایکبووی ساڵی 1958ی شاری کەرکوکە و بەشداری لە چەندین کاری شانۆیی و دراما و فیلمدا کردووە، خەڵاتی باشترین ئەکتەر و نووسەری لە فێستیڤاڵی یەکەمی هونەری لە شاری بەغدا وەرگرتووە
پێداچوونەوە: پەری ساڵح
