دیمهنێك لكاتى كارى خاوێنكردنهوهى پڕۆژهى ئاوى كۆیه ... وێنه: بهڕێوهبهرایهتى ئاوى كۆیه
زیاتر له 18 هەزار هاوبهش چاوهڕێ بوون
پڕۆژهكانى ئاوى کۆیە كهوتنهوه كار
فهرهاد حهسهن
بەرێوهبەری ئاوى كۆیه دهڵێت، دواى دوو رۆژى بهردهوام كاركردن له خاوێنكردنهوهى ههردوو پڕۆژه ئاوى كۆیه، ئهمڕۆ پڕۆژهكان كهوتنهوه كار و دهست به دابهشكردنى ئاو بۆ هاوبهشان كراوه.
دوای بارانبارینى بەخوڕی دوو رۆژی رابردوو، هەریەک لە پرۆژەی ئاوی (بۆگد – کۆیە) و (تەق تەق – کۆیە) بههۆى قوڕ و لیتهیهكى زۆر، لهكار وهستابوون.
هۆگر کهیفی ئەمین، بەرێوهبەری ئاوی کۆیە به 964ـى وت، له ئهمڕۆوه دهست به دابهشكردنى ئاو بۆ هاوبهشانى ناو سهنتهرى كۆیه كراوهتهوه و ئێستا پڕۆژهكان بێ كێشهو گرفتن.
وتیشی “رێژهى پیسبوونى ئهمجارهى ههردوو پڕۆژه بههۆى قوڕ و لیتهى بارانبارینهوه له ئاستێكی زۆر بهرزدا بوو، بهڵام تواندرا لهماوهیهكی كهمدا پاكبكرێنهوه”.
بهپێی ئهو دیمهنانهى كه ئاوى كۆیه بۆ 964ـى ناردووه، جگه لهكاركردن به شۆفڵ حهفتاره، كرێكاران و كارمهندانى ئهم پڕۆژانه بهدهست كارى خاوێنكردنهوهى ههردوو پڕۆژهكه ئهنجام دهدهن.
به قسهى بهڕێوهبهرى ئاوى كۆیه زیاتر له 18 ههزار و 300 هاوبهشی ئاو لهناو سهنتهرى قهزاى كۆیه لهسهر ئهم دوو پڕۆژهیهى ئاون و ماوهى دوو رۆژ بوو نهتواندرا ئاویان پێبدرێت.
