مانگی رابردوو نەخۆشخانەی هەرس و جگەری سلێمانی جمەی هاتووە

964+

پێشەوا محەمەد

تەندروستی سلێمانی رایدەگەیەنێت، مانگی یەکی ئەمساڵ هەزار و 683 کەس سەردانی نەخۆشخانەی هەرس و جگەریان کردووە و 37 نەشتەرگەریش کراوە.

بە پێی ئاماری بەڕێوەبەرایەتییەکە، لەو ژمارەیە 113 نەخۆشیان داخڵ کراون و 12 نەخۆش بۆ وەرگرتنی چارەسەری هەوكردنی جگەری ڤایرۆسی سەردانیان كردووە.

هەر لەو مانگەدا 253 پكشنینی هەناوبینی گەدە و 158 هەناوبینی كۆڵۆن و 46 رەنگكردنی بۆرییەكانی زراو و پەنكریاس و 18 سۆنەری بەهەناوبینی ئەنجام دراوە.

تەندروستی سلێمانی دەشڵێت، 74 وەرگرتنی نموونە بە سۆنەر و 17 وەرگرتنی نموونە لە جگەر كراوە، هەروەها  77 سۆنەر و 46 تیشك  و 17 پشكنینی سیتی سكان لە نەخۆشخانەکە ئەنجام دراوە و پشکنینی خوێن بۆ 713 نەخۆش کراوە.

لە مانگی 12ـی ساڵی رابردوودا، کەمتر لە هەزار و 500 نەخۆش سەردانی ئەو نەخۆشخانەیەیان کردبوو.

نەخۆشخانەی منداڵانی سلێمانی ژووری تاکەکەسی بۆ تووشبووانی ئۆتیزم دابین دەکات