لە هەولێر پێنج فرۆشیاری ئۆنلاین دەستگیر کران

ژووری هەواڵ

ئاسایشی هەولێر دەستگیرکردنی پێنج کەسی راگەیاند و دەڵێت، تۆمەتبارن بە رێگریکردن لە هاوڵاتیان و دزیکردن و فێڵکردن.

ئەمڕۆ سێشەممە 13.2.2024، ئاسایشی هەولێر رایگەیاند، تۆمەتبارەکان بە رێگەی ئۆنلاین کاڵایان فرۆشتووە و ناونیشانی شوێنێکیان داوەتە کڕیارەکانیان کە ئەو شوێنە چۆڵەوانییەو دورە لە کامێراکانی چاودێری، لەکاتی گەیشتنی کڕیارەکە بۆ شوێنەکە لەلایەن ئەم تۆمەتبارانەوە رێگریان لێکراوە و هێرش کراوەتە سەریان و ئازار دراون و پارە و مۆبایلەکانیان لێسەنراوە و دواتر هەڵاتون.

ئاسایشی هەولێر سوپاسی هاوڵاتیان دەکات و دەڵێت، هەمیشە هاوکاری بەڕێوەبەرایەتییەکەیانن لە پێدانی زانیاری.

تۆمەتبارەکان بەپێی ماددەی 452 لە یاسای سزادانی عێراقی دەستگیر کراون و لێکۆڵینەوەیان لەگەڵدا دەکرێت.