فۆتۆ: social media
خەڵکی سلێمانی لە 2022ـدا رۆژانە 55 تۆن گۆشتیان خواردووە
964+
پێشەوا محەمەد – سلێمانی
پارساڵ خەڵکی سلێمانی نزیکەی 20 هەزار تۆن گۆشتی سووریان خواردووە.
کوشتارگەی سلێمانی دەڵێ: دانیشتووانی سلێمانی لە 2022ـدا، 19 هەزار و 850 تۆن گۆشتی سووریان خواردووە، ئەمەش بەراورد بە ساڵی 2021 کەمترە.
شاهۆ عارف، لێپرسراوی هۆبەی کوشتارگەی هاوچەرخی سلێمانی بە +964ـی وت “رۆژانە 54 تۆن 41 کیلۆ گۆشت خراوەتە بازاڕەوە، کە بەهای خۆراکیی شیاوی هەبووە”.
شاهۆ عارف، ئاماژەی بەوەشدا کە لە 2022 بەهۆی نەخۆشییەوە زیاتر لە هەزار سەر ئاژەڵ رەت کراونەتەوە سەرببڕێن و گۆشتەکەیان بخرێنە بازاڕەوە.
دەشڵێت، 82 تۆن و 650 کیلۆ گۆشتی دیکەش لە لایەن ستافی پزیشکیی کوشتراگەکەوە بە ناتەندروست هەژمار کراوە، کە بەهای خۆراکییان نەماوە و بە شێوەی زانستی لەناو براوە.
+964 دەزانێت، ساڵی 2021 لە سلێمانی 26 هەزار تۆن لە کوشتارگەی سلێمانی خراوەتە بازاڕەوە.