رێنمایی بۆ ئه‌كادیمیا و فیرگه‌كانی تۆپی پێ له‌ كوردستان ده‌رچوو

964+
ئه‌رسه‌لان عه‌بدوڵا

وه‌زیری رۆشنبیری و لاوانی هه‌رێمی كوردستان واژۆی له‌سه‌ر ده‌رچوونی رێنمایی بۆ ئه‌كادیمیا و فێرگه‌كانی تۆپی پێ كرد، دوای ئه‌وه‌ی به‌ڕێوه‌به‌رایه‌تیی گشتیی وه‌رزش به‌ نووسراوی ژماره‌ 1042، كه‌ 6.8.2023 ئاراسته‌ كرابوو، داوای كرد كاری ئه‌كادیمیا و فێرگه‌كانی تۆپی پێ به‌ رێنمایی بكرێت و رێكبخرێنه‌وه‌.

سه‌ردار ئیسماعیل به‌ڕێوه‌به‌ری گشتیی وه‌رزش به‌ 964ی راگه‌یاند، وه‌زیری رۆشنبیری و لاوان له‌ رێكه‌وتی 16.1.2024 واژۆی له‌سه‌ر رێنماییه‌كان كردووه‌، ئیتر كاروباری ئه‌كادیمیاكان و فێرگه‌كانی تۆپی پێ رێكده‌خرێته‌وه‌، به‌ تایبه‌تی كه‌ ده‌بێت ته‌نیا له‌ ناو یانه‌كاندا ئه‌كادیمیا و فێرگه‌ هه‌بێت.

له‌ هه‌رێمی كوردستاندا كۆمه‌ڵێك فێرگه‌ و ئه‌كادیمیای تۆپی پێ هه‌ن، كه‌ به‌شێكی زۆریان كه‌مترین بنه‌ماكانی ئه‌كادیمیا و فێرگه‌یان هه‌یه‌ و كه‌موكوڕی و كێشه‌یان زۆره‌، ئه‌مه‌ جگه‌ له‌وه‌ی ژێرخان و شوێنی پێویستیان نییه‌.

ئەکادیمیای کەلار بووە پاڵەوانی فێرگەکانی تۆپی پێ

+1