حەوت مانگە زێڕ ئەوەندە بەرز نەبووە

964+

هێمن بەکر – هەولێر

نرخی زێڕ بە جۆرێک بەرزبووەتەوە کە حەوت مانگە وا نەبووە، ئێستا نرخی یەک ئۆنسە هەزار و 866 دۆلارە.

ئەوە یانی بەراورد بە ساڵی رابردوو ئەم کاتانە، نرخی زێڕ سەتا 35 بەرزبووەتەوە.

بەراورد بە دوێنێش، نرخی زێڕ بۆ هەر مسقاڵێک نزیکەی دوو دۆلار (سێ هەزار دینار) بەرزبووەتەوە.

نرخی زێڕ لە بازاڕەکانی هەرێمی کوردستان بۆ سەرلەبەیانی ئەمڕۆ شەممە، 7ی کانونی دووەمی 2023، بەم جۆرەیە:

نرخی یەک مسقاڵ زێڕی عەیارە 18 بە 349 هەزار دینارە.

نرخی یەک مسقاڵ زێڕی عەیارە 21 بە 398 هەزار دینارە.

نرخی یەک مسقاڵ زێڕی عەیارە 24 بە 450 هەزار دینارە.