دیمەنێک لە دراوی عێراقی _ وێنە: 964
حەقدەستی مانگی دەیە
مامۆستایانی وانەبێژ بچن بۆ موچەکانیان
964+
ئەحمەد مستەفا
ئەمڕۆ چوارشەممە 17.1.2024، مامۆستایانی وانەبێژ شایستە داراییەکانی خۆیان بۆ مانگی 10ی ساڵی 2023 وەردەگرن.
ئەو مامۆستا وانەبێژانەی هەڵگری بڕوانامەی دبلۆمن، لە نێوان 250 – 350 هەزار دینار وەردەگرن، بڕوانامەی بەکالۆریۆس 250 – 400 هەزار دینار وەردەگرن.
عەلی رەئوف، نوێنەری گشتی مامۆستایانی وانەبێژ بە 964ی وت، ئەمڕۆ موچە دەگات بە سەرجەم ئەو مامۆستایانەی لە ئەرکدان و دەتوانن شایسەیی خۆیان بۆ مانگی 10ی ساڵی 2023 لە پەروەردە و قوتابخانەکانیان وەربگرن.
ژمارەی مامۆستایانی وانەبێژ لە هەرێمی کوردستان 37 هەزار مامۆستایە و کرێی مانگانەیان نزیکەی 15 ملیار دینارە.
