دیمەنێک لە هێرشی سوپای پاسداران لە هەولێر _ وێنە: رێکخراوی CPT
بە موشەکی بالیستیک
رێکخراوی CPT: لە هەولێر 13 هێرشی ئاسمانی ئەنجامدراوە
964+
ئەحمەد مستەفا
رێکخراوی CPTی ئەمریکی لە شەوی رابردووە، تیمەکانیان 13 هێرشی ئاسمانیان بۆ سەر هەولێر تۆمارکردووە، کە لە کاتژمێر 11:30 خولەکەوە دەنگیان بیسترا.
بەوتەی یەکێک لە ئەندامەکانی بێت، لە دهۆکیش بۆردومانکراوە.
کامەران عوسمان، ئەندامی تیمی کوردستانی عێراقی رێکخراوی (CPT)ـی ئەمریکی ئەمڕۆ سێشەممە بە 964ی وت، ئەوانە 13 هێرشی سوپای پاسدارانی ئێرانیان لە رێگەی تیمەکانیانەوە لە پارێزگای هەولێر تۆمارکردووە، کە لە رێگەی موشەکی بالیستیکەوە ئەنجامدراون.
وتیشی، بڕگەی دووەمی ماددەی 110ی دەستوری عێراق لە بارەی دەسەڵاتی حکومەتی فیدڕاڵەوە، جەخت لە پێکهێنان و بەڕێوەبردنی هێزێکی چەکدار بەمەبەستی دڵنیابوون لە پاراستن و مسۆگەرکردنی ئاسایشی سنوورەکانی عێراق دەکاتەوە، بەڵام سەروەریەکی ئێستا پێشێلکراوە.
بەگوێرەی داتاکانیان بێت، هەر درەنگانی شەوی رابردوو لە کاتژمێر 12:10 خولەک، فڕۆکە جەنگییەکانی تورکیاش بە چڕی بۆردوومانی چیای کوڕەژارۆیان لە ناحیەی شیلادزێ لە پارێزگای دهۆک کردووە.
