کەسێک دراوی 25 هەزار دیناری عێراقی دەژمێرێت _ وێنە: 964
داشکاندنی پارەی کارەبا نەوەستاوە
فڕن و نانەواکان بەخۆیان و بەڵگەکانەوە بچن بۆ کارەبا سلێمانی
964+
ئەحمەد مستەفا
وتەبێژی کارەبای سلێمانی دەڵێت، لێخۆشبوونى 50% بڕە پارەى کارەباى لە فڕنى سەموون و نانەواخانەکان، بەردەوامە و نەوەستاوە.
بۆ ئەوەی داشکاندنەکە وەربگری دەبێت بەڵگەنامەکان لەگەڵ خۆتدا ببەی بۆ کارەبای سلێمانی.
سیروان محەمەد، بەرێوەبەری راگەیاندن و پەیوەندییەکانی کارەبای سلێمانی ئەوەی بە 964 وت، کە ئەوان ئاگادارى سەرجەم خاوەن فڕنی سەموون و نانەواخانەکانى سنورى پارێزگاى سلێمانى دەکەنە، داشکاندنی 50% ی پارەى خەرجى کارەباکانیان جێبەجێ دەکرێت و نەوەستاوە.
کارەبای سلێمانی بۆ ئەو کارەی، پشتی بە بڕیاری وەزارەتی کارەبا لە 10.4.2022 بەستووە، بەوتەی سیروان محەمەد بێت، ئەو خاوەن فڕن و نانەواخانانەی بیانەوێت سوودمەندبن لە بڕیارەکە، دەبێت بەڵگەنامەکان لەگەڵ خۆیان ببەنە بهڕێوهبهرایهتییهكانی دابهشكردنی كارهبا تا کارى داشکاندنەکەیان بۆ بکرێت.
