تۆمەتبارەکە و ئۆتۆمبێلەکە وێنە: پۆلیسى سلێمانى
پۆلیسی سلێمانی رایگەیاند
بارهەڵگرێکی دزی بوو دەستگیرکرا
964+
وریا فەتاح
پۆلیسى سلێمانى رایگەیاند، دوای ئەوەی هاوڵاتییەك سكاڵای تۆماركرد كە ئۆتۆمبێلە بارهەڵگرەکەی لێدزراوە، هێزەكانی پۆلیس لێكۆڵینەوەو بەدواداچوونیان کرد و توانرا لەلایەن مەفرەزەكانی نوسینگەی نەهێشتنی تاوانی کوردساتەوە تۆمەتبار بدۆزرێتەوەو دەستگیربكرێت.
سەرکەوت ئەحمەد، وتەبێژى پۆلیسى پارێزگاى سلێمانى بۆ 964 قسەى کردووە و دەڵێت: دوو رۆژ لەمەوبەر، هاوڵاتییەک ئۆتۆمبێلەکەى لەبەردەم ماڵەکەى خۆى راگرتبوو، بەڵام کەسێک ئۆتۆمبێلەکەى دزیوە و دواى لێدانەوەى کامێراکان توانیمان تۆمەتبار بدۆزینەوە و دەستگیرى بکەین.
وەک ئەوەى سەرکەوت ئەحمەد باسى لێوەکرد، لەگەڵ دەستگیرکردنى تۆمەتبارەکە، ئۆتۆمبێلە دزاراوەکەش دەستى بەسەرداگیراوە.
تۆمەتبارەکە تەمەنى 31 ساڵە و بەپێى مادەى 446 لە یاساى سزادان راگیراوە و لێکۆلینەوە لەگەڵى ەردەوامە.
