هاتوچۆی سلێمانی - وێنە: 964+
کێشەی کارەبایان هەیە
هاتوچۆی سلێمانی: تا ئاگادارتان نەکەین مەیەن بۆلامان
964+
پێشەوا محەمەد
ئەمڕۆ چوارشەممە بەڕێوەبەرایەتیی هاتوچۆی سلێمانی مامەڵەی هاوڵاتیانی پێ رایی نەکرا، وتەبێژەکەی دەڵێت، کێشەی کارەبایان هەبووە و لە چارەسەرکردنیدان.
کێشەکە هەر لە سەرەتای دەستپێکردنی دەوامەوە دروستبووە و تا ئێستاش بەردەوامە و بە تەواوی چارەسەر نەکراوە.
بەهمەن عەبدوڵا، وتەبیژی هاتوچۆی سلێمانی بە 964ـی راگەیاند، کارەباکە کێشەی هەبوو و نەتواندراوە مامەڵەی هاوڵاتیان رایی بکرێت و ئێستا سەرقاڵی چارەسەرکردنین.
وتیشی، “لە کاتی چارەسەرکردندا هاوڵاتیان ئاگادار دەکەینەوە بێن سەردانمان بکەن و مامەڵەکانیان بۆ رایی دەکەین”.
هەر ئەمڕۆ بەڕێوەبەرایەتییەکە بەهۆی ئەو کێشەی دروستبووە داوای لێبووردنی لەو هاوڵاتیانە کردووە، کە چوونەتە بەڕێوەبەرایەتییەکە و نەیانتوانیوە مامەڵەکانیان ئەنجام بدەن.