کاندیدە بەهێزەکانی دەستەی کارگێڕی ژوورە بازرگانییەکان کێن؟

964+
ئەحمەد مستەفا

بڕیارەکە بەو جۆرەیە لە 3.1.2024 بۆ 8.1.2024 سەرۆک و جێگران و ئەندامانی دەستەی کارگێڕی ژوورە بازرگانییەکانی هەرێمی کوردستان ئەرکەکانیان دیاری بکرێت.

تۆڕی 964 بە گوێرەی چەند سۆراغێک، ناوی بەرچاوترین کاندیدەکانی دەستەی سەرۆکایەتی ژووری بازرگانی پارێزگاکان بڵاودەکاتەوە.

ئەو کەسانەی کاندید بوون لە هەڵبژاردن، بۆ ئەنجومەنی کارگێڕی ژوورە بازرگانییەکان 86 کەسبوون، (لە هەولێر 33 کاندید، لە سلێمانی 26 کاندید، لە هەڵەبجە 10 کاندید و لە دهۆک 17 کاندید) ئەوانەی سێ یەکەمی ژوورە بازرگانیەکان بوون لە هەر چوار پارێزگاکەی هەرێم ئەوانە بوون:

ژووری بازرگانی و پیشەسازی سلێمانی:
– شێنێ ئیختیار
– نه‌وزاد ره‌باتی
– بورهان عه‌لی

ژووری بازرگانی و پیشەسازی هەڵەبجە:
– پێشەوا ئەحمەد
– سەردار ئەمین
– بەرزان حەمەڕەشید

ژووری بازرگانی و پیشەسازی دهۆک:
– له‌تیف عوسمان
– به‌یار موسا
– حیكمه‌ت ئه‌مین

ژووری بازرگانی و پیشەسازی هەولێر:
– گەیلان سەعید
– سالار سەڵاح
– شیرین یەحیا

زریان محەمەد، بەڕێوەبەری راگەیاندن لە ژووری بازرگانی و پیشەسازی بە 964ی وت، رۆژی 3.1.2024 ژووری بازرگانی هەڵەبجە، رۆژی 4.1.2024 ژووری بازرگانی سلێمانی، لە 7.1.2024 ژووری بازرگانی دهۆك و لە 8.1.2024 ژووری بازرگانی هەولێر دەستەی سەرۆکایەتی دیاری دەکرێن.

ئەوەشی وت، بە ئامادەبوونی لیژنەی باڵای هەڵبژاردن، سەرۆك و دوو جێگر و نوێنەریان بۆ یەكێتی ژوورە بازرگانیەكان دیاری دەكرێت، بەو هەنگاوەش كۆتایی بە پرۆسەی هەڵبژاردنی ئەندامانی کارگیڕی ژوورە بازرگانییەكان دێت.

یەکێتی ژوورە بازرگانیەکانی هەرێم ئامادەکاری بۆ نۆیەم هەڵبژاردن دەکات