پلانی هەیە چەند بەرهەمێک بڵاوبکاتەوە
گەنجە دەنگ خۆشەکەی هەڵەبجە بۆ ترێندی 964 دەدوێت
964+
پەری ساڵح
رێڤین ئاراس لاوێکی دەنگ خۆش و ژەنیارێکی بەتوانای هەڵەبجەییە و بە کەڤەرکردنەوەی گۆرانیە فۆلکلۆرییەکان ناسراوە.
دەرکەوتنی رێڤین دەگەڕێتەوە بۆ پرۆگرامی کورد ئایدڵ، بەڵام هەر یەکەم قۆناغ شکست دەهێنێت و بڕیار دەدات وازبهێنێت، دواتر هاورێیەکی نزیکی پشتیوانی دەبێت و دەرگای بۆ دەکاتەوە جارێکی دیکە بێتەوە ناوی دونیای هونەری.
رێڤین یەکێکە لەو گەنجانەی لەگەڵ هەژار زەهاوی کاردەکات و پلانی هەیە چەند بەرهەمێک بڵاوبکاتەوە و دەشڵێت، هونەرە تورکی و فارسییەکان کاریگەریییان لەسەر ئێمەش هەیە، بەڵام من زیاتر بە ستایلی ئەسڵی سونەتی کوردی خۆمان کاردەکەم.
