سینا محەمەدی دەرهێنەر لەکاتی وەرگرتنی خەڵاتەکە. وێنە:سینا محەمەد.
"غەریبانە لەم خۆشبەختیە دەڕوانم"
فیلمێکى کوردى بووە براوەى خەڵاتی گەورەترین فێستیڤاڵى عەرەبى
وریا فەتاح
فیلمێکى کوردى خەڵاتى باشترین فیلمى عەرەبى بردەوە و سێ خەڵاتى گەورەترین فێستیڤاڵى عەرەبى بەدەستهێنا.
لە شەشەمین خولى فێستیڤاڵى فیلمى عەرەبى کە بە فێستیڤاڵى گۆنا ناسراوە و لە ناوچەى گۆناى میسر بەڕێوەدەچێت، فیلمێکى کوردى، بوو بە براوەى فێستیڤاڵەکە.
سینا محەمەد، نوسەر و دەرهێنەرى فیلمى غەریبانە لەم خۆشبەختییە دەڕوانم، بە 964ى وت،”بە شانازییەوە رایدەگەێنم کە فیلمەکەمان بووە براوەی فێستیڤاڵەکە و دوو گرینگترین خەڵاتەکانى فێستیڤاڵەکەمان بەدەستهێنا”.
فیلمەکە، خەڵاتى باشترین فیلمی درێژی عەرەبی و باشترین ئەکتەری سەرەکی ژنى، بەدەستهێنا.
فێستیڤاڵەکە لەسەر ئاستى دونیا هونەرمەند و فیلمسازە گەورەکان رووى لێدەکەن و بەرهەمەکانیان دەخەنەڕوو، بەوتەى سینا محەمەد، فیلمەکەیان دەنگدانەوەى زۆر باشى هەبووە و هونەرمەندە گەورەکان لە نزیکەوە لە وردەکارییەکانى فیلمەکەیان روانییوە.
فیلمەکە جگە لەو دوو خەڵاتە، خەڵاتى رێزلێنانى فیلمسازە نوێکانى میسرى پێبەخشراوە کە بەوتەى سینا محەمەد،”ئەو خەڵاتە زۆر گرنگە”.