لە سلێمانی هیچ پڕۆژەیەکی بەخێوکردنی ماسی زینە نییە

+964
دیلان محەمەد جەزا

لە سلێمانی هیچ پڕۆژەیەکی تایبەت بە بەخێوکردن و بەرهەمهێنانی ماسی زینە نییە، ئەوەی هەیە لە دەرەوەی وڵاتەوە دێت.

سەڵاح مەجید، سەرۆکی کۆمەڵەی گەشەپێدانی سامانی ماسی بە 964ی وت: “چەند هەوڵێک هەبووە بۆ کردنەوەی پڕۆژەی بەرهەمهێنانی ماسی زینە، بەڵام تا ئێستا نەکراونەتەوە و پشتگوێ خراون”.

باسی لەوەشکرد؛ وەزارەتی کشتوکاڵ رێنمایی تایبەتی هەیە بۆ کردنەوەی پڕۆژەی ماسی زینە، بەڵام تا ئەم ساتە کەس پڕۆژەی لەوشێوەیەی نەکردووەتەوە.

سەرکۆ مەجید، فرۆشیاری ماسی زینە بە 964ی وت: “زۆربەی ئەو ماسییانەی بۆ زینە بەکاردێن لە ئێرانەوە دێن و بەشێکی کەمی لە بەغدادەوە دێت، ئەوانەی دیکەش هاوردەی وڵاتانی دەرەوەن، چەندەها جۆری جیاوازیان هەیە”.

نرخی یەک ماسی لە هەزار دینارەوە دەستپێدەکات بۆ 100 هەزار دینار، بەپێی جۆر و قەبارەیان نرخەکان دەگۆڕێن.

پێداچوونەوە: موحسین عومەر