کاتی جێبەجێکردنی پرۆکە. فۆتۆ: وەزارەتی شارەوانی و گەشتوگوزار
بۆڕی ئاوی خواردنەوە بۆ 300 ماڵی ناحیەی بالیسان دانرا
964+
ژووری هەواڵ
لە ناحیەی بالیسان پرۆژەیەکی ئاو جێبەجێکرا کە لە رێگەی بۆری، ئاوی خواردنەوە دەگەیەنێت بە دەیان ماڵ.
پرۆژەی تۆڕی ئاوی گوندی توتمە، لە ماوەی دوو مانگ و 11 رۆژدا جێبەجێکراوە رۆژی پێنجشەممە، 16.11.2023 تەواو کرا.
وەزارەتی شارەوانی و گەشتوگوزار رایگەیاند، هەموو ئەو بۆریانە نۆژەنکرانەوە کە بەکاردەهاتن بۆ گەیاندنی ئاوی خواردنەوە بە زیاتر لە 300 ماڵ.
پرۆژەکە لەسەر بودجەی بەڕێوەبەرایەتیی ئاوی دەوروبەری هەولێر جێبەجێکراوە و گوژمەکەی 138 ملیۆن و 406 هەزار و 250 دینار بووە.
“پێکهاتەکای پڕۆژەکە پێکدێت لە گۆڕینی بۆریی پۆلی ئەثیلین بۆ بۆریی دەکتایل لەنێوان حەوزی توتمە و حەوزی دووەمی بالیسان درێژ دەبێتەوە و زیاتر لە 300 ماڵ لێی سوودمەند دەبن”، وەزارەتی شارەوانی و گەشتوگوزار وا دەڵێت.
