تەندروستی عێراق ناوی خوازیارانی پەیمانگە تەندروستییەکانی قبوڵکرد

ئەحمەد مستەفا

ئەمڕۆ پێنجشەممە 16.11.2023، وەزارەتی تەندروستی عێراق ئەنجامی وەرگرتنی خوازیارانی پەیمانگە باڵاکانی تەندروستی لە بەغدا و سەرجەم پارێزگاکانی عێراق راگەیاند.

وەزارەتەکە لە بەیاننامەیەکدا کە لە پێگەی خۆی بڵاویکردووەتەوە ئەوەشی وتووە، “بەڕێوەبەرایەتی کاروباری تەکنیکی ئەنجامی وەرگرتنی خوازیارانی لە پەیمانگە باڵاکانی تەندروستی بەغداد و سەرجەم پارێزگاکان قبوڵکردووە”.

ماوەی تەواوکردنی مەرجەکانی ناو تۆمارکردن لە ماوەی یەک هەفتەدایە لە رێکەوتی بڵاوکردنەوەی ناوەکان دەبێت، هاوکات ناوی ئەو کەسانەی وەرگیراون لە ماڵپەڕی فەرمی وەزارەتدایە، و لە ئەگەری ئەوەی خوێندکارە وەرگیراوەکان لەو ماوەیەدا ئامادەنەبوو، ئەوا مامەڵە لەگەڵ خوێندکارانی یەدەگ دەکرێت.

ئاماژەی بەوەکردووە، “پێشکەشکردنی داوای ناڕەزایەتی لە وەزارەتی تەندروستی/بەشی کاروباری تەکنیکی دەبێت، لە ماوەی پێنج رۆژدا، لە رێکەوتی راگەیاندنی ناوی ئەو کەسانەی وەرگیراون.

بۆ بینینی ناوەکان کلیک لێرە بکە.