پارکێکی نوێ لە هەولێر کرایەوە. فۆتۆ: پەیجی پارێزگای هەولێر
یەک ملیار دینار
پاركێكی نوێ له هه‌ولێر كرایه‌وه
964+
ئه‌رسه‌لان عه‌بدوڵا
له هه‌ولێر پاركێكی نوێ بۆ هاوڵاتیان كرایه‌وه، كه رووبه‌ڕه‌كه‌ی 12 هه‌زار مه‌تر دووجایه، پارێزگاریی هه‌ولێریش ده‌ڵێت بۆ خزمه‌تی هاوڵاتیانه.
پاركه‌كه ناوی ” پەلاتینک”ـه، كه به مانای په‌پووله دێت و ده‌كه‌وێته شه‌قامی 100 مه‌تری له نزیك شوقه‌كانی شه‌هیدان.
ئومێد خۆشناو پارێزگاری هه‌ولێر به 964ی راگه‌یاند، پاركه‌كه له‌سه‌ر رووبه‌ڕی 12 هه‌زار مه‌تر دووجا و به گوژمه‌ی یه‌ك ملیار دینار دروست كراوه.
وتیشی، پاركه‌كه بۆ خزمه‌تی هاوڵاتیانه و سه‌دان گوڵ و داری جوانی تێدایه، جگه له‌وه‌ش هۆكارێكی دیكه‌یه بۆ جوانكردنی شار و زیادكردنی رێژه‌ی سه‌وزایی و پاكڕاگتنی ژینگه.
پاركه‌كه ئێواره‌ی سێشه‌ممه له رێوڕه‌سمێكدا به رووی هاوڵاتیاندا كرایه‌وه.
