حەوت هەزار تۆن کەلوپەل لەناوبران

توانا نەقی

لە ماوەی چوار مانگدا زیاتر لە حەوت هەزار تۆن کەلوپەل لە دەروازەی ئیبراهیم خەلیلەوە بەهۆی دەرنەچوونیان لە تاقیگەکان گەڕێندراونەتەوە و لە ناوبراون.

ئەمڕۆ سێشەممە، دەروازەی ئیبراهیم خەلیل بڵاویکردەوە، لە رێکەوتی 1.7.2023 تا 31.10.2023 بڕی 7252 تۆن کەرەستەی جۆراو جۆر لە تاقیگە و لیژنە پەیوەندیدارەکان پەسەند نەکراون و گەڕێندراونەتەوە و بەشێکیشیان لەناوبراون.

دەروازەکە دەشڵێت، ئەو کەرەستانە لە گەڵ رێنماییەکانی حکومەتی هەرێم نەگونجاوەن، زۆربەیان پێکهاتوون لە کەلوپەلی کۆزماتیک و تەندروستی و خواردن و خواردنەوە.

هەروەها کەلوپەلی دیکەشی تیادابووە وەک کەرەستەی ڤێتێرنەری و کشتوکاڵ و بیناسازی هەندێک شمەکی دیکە.

راگەیاندنی بەڕێوەبەرایەتی دەروازەی نێودەوڵەتی ئیبراهیم خەلیل ئاماژەی بەوەکردووە، بەشێک لە کەلوپەلاکانیان ناردووەتەوە بۆ ئەو جێگەیەی لێوەی هاتووە و بەشێکیشیان بە تەواوەتی لەناوبردووە.